Për Korabin
Korab Mushkolaj është një diplomat me përvojë mbi 17 vite në fushën e marrëdhënieve ndërkombëtare dhe administratës publike.
Aktualisht ka marrë përgjegjësinë për të kandiduar për Kryetar të Komunës së Deçanit.
Më parë ka shërbyer si Zëvendës Shef i Misionit dhe Këshilltar në Ambasadën e Kosovës në Kanada, ku ka mbikëqyr çështjet ekonomike, politike dhe të mbrojtjes.
Karriera e tij ka përfshirë poste kyçe si Drejtor i Departamentit për Marrëdhënie Dypalëshe në Ministrinë e Punëve të Jashtme, Chargé d’Affaires (I Ngarkuar me Punë) dhe Këshilltar në Bangkok, Këshilltar në Budapest, Sekretar i Parë dhe Konsull në Nju Jork, u.d Drejtor i Departamentit për Çështje Konusllore si dhe Koordinator për Reformën e Administratës Publike në vitet e para të karrierës së tij.
Me formim akademik të fuqishëm, Korabi është kandidat për Ph.D. në Universitetin Eötvös Loránd në Budapest, me diplomë LL.M. nga Freie Universität në Berlin dhe diplomë Bachelor në Drejtësi nga Universiteti Shtetëror i Tetovës. Ai zotëron aftësi të avancuara në negociata diplomatike, analizë politike dhe komunikim strategjik, si dhe përvojë të gjerë në bashkëpunime ndërkombëtare dhe lobim diplomatik. Përveç shqipes amtare, ai flet rrjedhshëm anglishten, gjermanishten dhe serbishten, duke e bërë atë një profesionist të kompletuar për sfida në mjedise shumëkulturore.
Ekspertiza e tij është pasuruar më tej me trajnime ndërkombëtare, përfshirë Akademinë Diplomatike të Vjenës, MFA të Belgjikës dhe forumet evropiane Alpbach, me fokus në integrim evropian, diplomaci dhe siguri rajonale.